Xalq deputatlari Parkent tuman Kengashiga 25-“Oydin” saylov okrugidan saylangan deputat Ismailov Qamariddin Abduraximovich tomonidan saylov okrugi hududida jamoat transporti xizmatlarining sifati va transport qatnovi bilan bog‘liq masalalar o‘rganildi.O‘rganish davomida hududdagi jamoat transporti qatnovlarining holati, yo‘lovchilar uchun yaratilgan shart-sharoitlar hamda amaldagi yo‘l haqi tariflarining qo‘llanilishi ko‘rib chiqildi. Shuningdek,yo‘nalishli transport vositalaridan foydalanayotgan fuqarolar bilan suhbatlashilib, transport xizmatlarining sifati, yo‘l haqi miqdori va mavjud muammolar yuzasidan ularning fikrlari eshitildi.Muloqotlar davomida fuqarolar tomonidan hududda jamoat transporti xizmatlari yaxshi yo‘lga qo‘yilgani, yo‘lovchilarga ko‘rsatilayotgan xizmatlardan qoniqish hosil qilinayotgani bildirildi.O‘rganish natijalari asosida jamoat transporti xizmatlarini yanada takomillashtirish, yo‘lovchilar uchun qulay shart-sharoitlarni yaxshilash hamda transport qatnovlari bilan bog‘liq tirbandliklarning oldini olish bo‘yicha tegishli takliflar shakllantiriladi.Fuqarolar tomonidan bildirilgan fikr va takliflar umumlashtirilib, aniqlangan masalalarni tegishli tartibda hal etish hamda bu boradagi ishlarni nazoratga olish belgilandi.