🏛 Xalq deputatlari Shovot tumani Kengashi raisining farmoyishiga asosan, Kengashning yettinchi chaqiriq yigirma sakkizinchi sessiyasi 2026-yil 5-avgust kuni soat 10:00 da tuman hokimligi binosining majlislar zalida bo‘lib o‘tadi.
📋 Sessiya kun tartibiga quyidagi masalalar kiritilgan:
💰 Budjetning qo‘shimcha manbalari hisobidan mablag‘larni yo‘naltirish masalasi.
📑 Kengashning avvalgi qaroriga o‘zgartirish kiritish to‘g‘risidagi masala.
📨 Deputatlar tomonidan 2026-yil 2-choragida yuborilgan deputat so‘rovlariga berilgan javoblar holatini ko‘rib chiqish.
🤝 O‘zbekiston Respublikasi Prezidentining Shovot tumanidagi Xalq qabulxonasi faoliyati hamda murojaatlar bilan ishlash holati yuzasidan axborot.
⚖️ Tuman prokurorining 2026-yil 2-choragida qonuniylikni mustahkamlash, huquqbuzarliklarning oldini olish va fuqarolar huquqlarini himoya qilish borasidagi faoliyati yuzasidan axboroti.
👥 Xalq deputatlari Shovot tumani Kengashi huzuridagi Yoshlar maslahat guruhi faoliyatini takomillashtirish masalasi.
📈 Tuman hokimining PQ–410-son qarori ijrosi hamda 2026-yil birinchi yarim yilligi yakunlari bo‘yicha hisoboti.
👩‍👩‍👧 Oila va xotin-qizlar bo‘limi boshlig‘ining 2026-yil 2-chorakdagi faoliyati yuzasidan hisoboti.
💳 Davlat soliq inspeksiyasi boshlig‘ining budjet daromadlarini ta’minlash bo‘yicha amalga oshirilgan ishlari yuzasidan hisoboti.
📊 Tuman mahalliy budjetining 2026-yil yarim yillik va II chorak ijrosi to‘g‘risidagi hisobot.
🎓 Yoshlar ishlari bo‘limi boshlig‘ining 2026-yilning olti oyida amalga oshirilgan faoliyati yuzasidan hisoboti.
🤲 "Inson" ijtimoiy xizmatlar markazi boshlig‘ining 2026-yilning olti oyida amalga oshirilgan ishlari yuzasidan hisoboti.
📌 Sessiya kun tartibidagi masalalar yuzasidan tegishli mas’ullar ma’lumotlarni 2026-yil 3-avgustga qadar Kengash kotibiyatiga taqdim etishlari belgilangan.
🎥 Sessiya ommaviy axborot vositalari vakillari ishtirokida o‘tkaziladi hamda to‘g‘ridan to‘g‘ri (onlayn) efirga uzatiladi.