#sessiya_kun_tartibidagi_masala
#biriktirilgan_tashkilot
#162_ta_Qonun
#kotibiyat_xodimi_faoliyati

Sessiya kun tartibidagi masala hamda Qonun ijrosi o'rganildi

Xalq deputatlari Qiziriq tumani Kengashi kotibiyati bosh mutaxassislari J.Donayev hamda A.Mamarajabov Yoshlar ishlari agentligi Qiziriq tumani bo‘limida bo‘lib, Xalq deputatlari tuman Kengashining navbatdagi sessiyasi kun tartibiga kiritilgan “Yoshlar ishlari agentligi Qiziriq tumani bo‘limi boshlig‘ining tumanda yoshlarga oid davlat siyosatini amalga oshirish, ularning bandligini ta’minlash, ijtimoiy qo‘llab-quvvatlash, bo‘sh vaqtini mazmunli tashkil etish hamda “Yoshlar daftari” bilan ishlash yo‘nalishlarida 2026-yilning birinchi yarim yilligida amalga oshirilgan ishlari to‘g‘risidagi hisoboti” yuzasidan o‘rganish olib bordi.

O‘rganish davomida hisobotda keltirilgan ko‘rsatkichlarning amaldagi holati, yoshlar bandligini ta’minlash, “Yoshlar daftari” bilan ishlash, yoshlarning bo‘sh vaqtini mazmunli tashkil etish hamda yoshlarga qaratilgan davlat dasturlari ijrosi tahlil qilindi.

Shuningdek, O‘zbekiston Respublikasining 2016-yil 14-sentabrdagi “Yoshlarga oid davlat siyosati to‘g‘risida”gi O‘RQ–406-son Qonuni ijrosi yuzasidan tayyorlangan savolnoma asosida ham o‘rganish o‘tkazildi. Unda qonun talablarining ijrosi, yoshlar bilan ishlash tizimi hamda amalga oshirilayotgan tadbirlarning samaradorligi yuzasidan tegishli tahlillar olib borildi.

Bundan tashqari, mazkur tashkilot Xalq deputatlari Qiziriq tumani Kengashi deputati A.Abdinazarovga biriktirilgan tashkilot ekanligi munosabati bilan deputat va tashkilot o‘rtasidagi hamkorlikni yanada kuchaytirish, deputatlik nazoratini samarali tashkil etish hamda kelgusidagi hamkorlik yo‘nalishlari yuzasidan fikr almashildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram