Xalq deputatlari Qo‘qon shahar Kengashi deputati, 7-"Qipchoqariq" saylov okrugidan saylangan Sh.Nazarova tomonidan o‘zi saylangan hududdagi “Vaqf Chorsu” mahalla fuqarolar yig‘inida faoliyat yuritayotgan ijtimoiy xodim N.Baxriddinovaning faoliyati yuzasidan o‘rganish ishlari olib borildi.

O‘rganish davomida ijtimoiy xodim tomonidan ehtiyojmand fuqarolarni aniqlash, ularning ijtimoiy muammolarini o‘rganish, murojaatlari bilan ishlash hamda ijtimoiy xizmatlarni manzilli tashkil etish borasida amalga oshirilayotgan ishlar tahlil qilindi.

Jumladan, “Vaqf Chorsu” MFY, Jasorat ko‘chasi 58-uyda istiqomat qiluvchi fuqaro Z.Bozorqulovaning yashash xonadoniga borilib, uning ijtimoiy holati joyiga chiqqan holda o‘rganildi. Aniqlanishicha, fuqaro ijtimoiy xodim N.Baxriddinova tomonidan Ijtimoiy reyestrga kiritilgan bo‘lib, yashash uyini ta’mirlash zarurati mavjudligi yuzasidan murojaat qilgan.

Suhbat davomida fuqaroning ehtiyojlari atroflicha o‘rganilib, uy-joy sharoitini yaxshilash bo‘yicha murojaatni amaldagi tartib asosida ko‘rib chiqish hamda vakolatli tashkilotlar bilan hamkorlikda amaliy yordam ko‘rsatish imkoniyatlari muhokama qilindi.

Uchrashuv va o‘rganish jarayonida Xalq deputatlari Qo‘qon shahar Kengashi kotibiyati mudiri A.Nosirov hamda bosh mutaxassisi X.Abdullayevlar tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi