O‘zbekiston Respublikasining 2019-yil 2-sentyabrdagi O‘RQ-561-sonli "Xotin-qizlarni tazyiq va zo‘ravonlikdan himoya qilish to‘g‘risida"gi Qonuni xotin-qizlarni tazyiq va zo‘ravonlikning barcha shakllaridan himoya qilish, ularning huquq va erkinliklarini ta’minlash hamda xavfsiz hayot kechirishi uchun mustahkam huquqiy kafolatlarni belgilaydi.

Mazkur Qonunga muvofiq xotin-qizlarning:
tazyiq va zo‘ravonlikdan himoyalanish;
himoya orderini olish;
bepul huquqiy, psixologik va ijtimoiy yordamdan foydalanish;
tibbiy xizmatlardan foydalanish;
sha’ni, qadr-qimmati va shaxsiy daxlsizligini himoya qilish;
xavfsiz mehnat va ta’lim olish huquqlari kafolatlanadi.

Shuningdek, davlat tomonidan zo‘ravonlikning oldini olish, jabrlanuvchilarga himoya orderi berish, reabilitatsiya xizmatlarini tashkil etish hamda huquqiy, ijtimoiy va psixologik yordam ko‘rsatish bo‘yicha tizimli choralar amalga oshirilmoqda.

Xalq deputatlari Qo‘qon shahar Kengashi