Xalq deputatlari Qo‘qon shahar Kengashining 4-"Oq oltin" saylov okrugi deputati F.Mamajonov tomonidan “Aziz tepa” mahalla fuqarolar yig‘inida belgilangan reja-jadval asosida navbatdagi fuqarolar qabuli o‘tkazildi.

Qabul davomida Sariqqamish ko‘chasi 27-uyda yashovchi fuqaro G‘.Botirov tomonidan Sariqqamish, Nurafshon va Mehirjon ko‘chalarini asfaltlashtirish masalasi yuzasidan murojaat bildirildi. Ta’kidlanishicha, mazkur ko‘chalarning asfalt qoplamasini yaxshilash transport harakati qulayligini oshirish, piyodalar xavfsizligini ta’minlash hamda hudud infratuzilmasini yanada rivojlantirishda muhim ahamiyat kasb etadi.

Mazkur murojaat deputat tomonidan nazoratga olinib, ko‘chalarni asfaltlashtirish masalasini belgilangan tartibda vakolatli tashkilotlar bilan birgalikda ko‘rib chiqish hamda tegishli dasturlarga kiritish imkoniyatlarini o‘rganish yuzasidan zarur choralar ko‘rishga kelishib olindi.

Uchrashuv va o‘rganish jarayonida Xalq deputatlari Qo‘qon shahar Kengashi kotibiyati mudiri A.Nosirov hamda bosh mutaxassisi A.Adhamovlar tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi