Xalq deputatlari Qo‘qon shahar Kengashi deputati R.Talipdjanov tomonidan "Navro‘z" mahalla fuqarolar yig‘inida yoshlar yetakchisi I.Rasulovning O‘zbekiston Respublikasining 2016-yil 14-sentabrdagi O‘RQ–406-sonli "Yoshlarga oid davlat siyosati to‘g‘risida"gi Qonuni ijrosi yuzasidan olib borayotgan faoliyati o‘rganildi.

O‘rganish davomida yoshlar yetakchisi I.Rasulov tomonidan yoshlarni qo‘llab-quvvatlash, ularning bandligini ta’minlash, ta’lim olishi va tadbirkorlik faoliyatini rivojlantirish borasida amalga oshirilayotgan ishlar yuzasidan batafsil ma’lumot berildi.

Ma’lum qilinishicha, joriy yilning o‘tgan davri mobaynida:
2 nafar talaba-yoshning oliy ta’lim muassasasidagi kontrakt to‘lovlari to‘lab berilgan;
12 nafar yosh bepul kasb-hunarga o‘qitish kurslariga yo‘naltirilgan;
4 nafar yosh doimiy ish bilan ta’minlangan;
Tadbirkorlik faoliyatini boshlash istagini bildirgan A.Navoiy mavzesi 109/29-uyda yashovchi fuqaro A.Muhammadjonovga 10 million so‘m miqdorida imtiyozli kredit ajratilishiga amaliy ko‘mak ko‘rsatilgan.

Shuningdek, uchrashuv davomida yoshlarning davlat tomonidan yaratilayotgan imkoniyat va imtiyozlardan samarali foydalanishi, kasb-hunar va tadbirkorlik dasturlariga jalb etilishi, murojaatlarni ko‘rib chiqish tartibi hamda bandlikni ta’minlash bo‘yicha amalga oshirilayotgan ishlar yuzasidan fikr almashildi.

Xalq deputatlari Qo‘qon shahar Kengashi