Ish rejaga muvofiq, 2026 yil 20 may kuni “O‘zbekiston” MFYda aholi muammolarini o‘rganish hamda mahalla yettiligi tomonidan amalga oshirilayotgan ishlarni tahlil qilish belgilangan edi.

Shunga ko‘ra, xalq deputatlari Andijon shahar Kengashi deputati A.Appaqov hamda Kengash kotibiyati bosh mutaxassisi O.Olimjonovlar ushbu MFYda bo‘lishdi.

O‘rganish jarayonida mahalla yettiligi tomonidan amalga oshirilayotgan ishlar tahlil qilinib, aholi murojaatlari va mavjud muammolarni mahallaning o‘zida, yettilik hamkorligida hal etish bo‘yicha zarur choralar ko‘rish ta’kidlandi.

Shuningdek, fuqaro yashash xonadonining yong‘indan zarar ko‘rgan qismini ta’mirlashda amaliy yordam so‘rab murojaat qilganligi sababli holat o‘rganilib, belgilangan tartibda ijtimoiy daftarlardan yordam ajratish bo‘yicha tegishli mas’ul tashkilotlarga deputat so‘rovi kiritilishi belgilandi.