#deputatlar_nazorati #poytaxtdeputatlari #deputatlik_faoliyati

❗️Xalq deputatlari Toshkent shahar Kengashi deputati Vasila Alimova yoshlar va bolalarni ijtimoiy qo‘llab-quvvatlash masalalari yuzasidan uchrashuv o‘tkazdi

🏛 Toshkent shahar IIBB Huquqbuzarliklar profilaktikasi boshqarmasi xotin-qizlar masalalari bo‘yicha inspektorlari hamda Toshkent shahar IIBB huzuridagi Voyaga yetmaganlarga ijtimoiy-huquqiy yordam ko‘rsatish markazida tarbiyalanayotgan bolalarning ota-onalari Respublika bolalar ijtimoiy moslashuvi markaziga tashrif buyurdi.

📁 Tashrif davomida xalq deputatlari Toshkent shahar Kengashi deputati Vasila Alimova tomonidan markaz faoliyati, bolalar uchun yaratilgan sharoitlar, psixologik qo‘llab-quvvatlash tizimi hamda ijtimoiy moslashuv jarayonlari haqida batafsil ma’lumot berildi.

🗣 Uchrashuv davomida har bir bolaning qalbiga yo‘l topish, ularni jamiyatda o‘z o‘rniga ega bo‘ladigan, mustaqil fikrlovchi va ma’naviy barkamol inson etib tarbiyalash eng ustuvor vazifalardan biri ekani alohida ta’kidlandi. Shuningdek, mehr va e’tibor, ayniqsa, ijtimoiy himoyaga muhtoj bolalar hayotida muhim o‘rin tutishi qayd etildi.

📚 Suhbatlar jarayonida yoshlar o‘rtasida huquqbuzarliklarning oldini olish, ularni sog‘lom turmush tarziga yo‘naltirish, vatanparvarlik va milliy qadriyatlarga hurmat ruhida tarbiyalash masalalari yuzasidan ham fikr almashildi. Ota-onalar tomonidan farzandlar tarbiyasi, psixologik yordam va ijtimoiy qo‘llab-quvvatlashga oid savollar o‘rtaga tashlanib, mutaxassislar tomonidan tegishli tavsiyalar berildi.

🤝 Tadbir davomida Mahalliy Kengash deputati faoliyatining eng muhim yo‘nalishlari doirasida yoshlar bilan ishlash, ijtimoiy himoyaga muhtoj oilalarni qo‘llab-quvvatlash, ta’lim va tarbiya jarayonida sog‘lom muhit yaratish hamda huquqbuzarliklarning oldini olish masalalariga alohida e’tibor qaratildi.

🔎 Bunday uchrashuvlar yoshlarni to‘g‘ri yo‘lga yo‘naltirish, oilalar bilan hamkorlikni mustahkamlash hamda jamiyatda mehr-oqibat va ijtimoiy mas’uliyat muhitini kuchaytirishda muhim ahamiyat kasb etmoqda.

📱 Telegram 📱 Instagram 📱 Facebook 📱 YouTube 🔎 E-kengash