Xalq deputatlari Olmaliq shahar Kengashi deputati, Korrupsiyaga qarshi kurashish, xavfsizlik va davlat organlarida ochiqlikni ta’minlash masalalari bo‘yicha komissiya raisi Matluba Ashurova tomonidan joriy yilning mart oyi rejasi hamda O‘zbekiston Respublikasining Korrupsiyaga qarshi kurashish to‘g‘risidagi O‘RQ-419-sonli qonuniga asosan o‘rganish o‘tkazildi.

📍O‘rganish obyekti: Shahardagi Kadastrlar palatasi va Kadastrlar agentligi.

O‘rganish davomida sohada korrupsiyani oldini olish va ish samaradorligini oshirish bo‘yicha quyidagi ijobiy natijalar aniqlandi:

✅ Inson omili cheklanmoqda: Hujjatlarni rasmiylashtirish jarayonida korrupsion xavflarni kamaytirish maqsadida barcha ma’lumotlar tizimga yuklanib, faoliyat to‘liq raqamlashtirilgan.

✅ Masofaviy nazorat: Agentlikning 26 nafar xodimi bilan har hafta Zoom platformasi orqali viloyat boshqarmasi tomonidan profilaktik suhbatlar va yangi talablar bo‘yicha tushuntirish ishlari olib borilmoqda.

✅ Tizimli yondashuv: Korrupsiyaga qarshi kurashish bo‘yicha aniq choralar belgilangan bo‘lib, xodimlarning huquqiy mas’uliyati oshirilgan.

✅ Yoppasiga xatlov: Bugungi kunda tasdiqlangan grafik asosida shahar aholisini to‘liq xatlovdan o‘tkazish bo‘yicha jadal ishlar olib borilmoqda. Bu esa mulkiy masalalardagi chalkashliklarning oldini oladi.

🔍 Xulosa:

Deputat Matluba Ashurova tomonidan o‘rganish yakunida soha xodimlariga aholi bilan ishlashda shaffoflikni ta’minlash va qonun ustuvorligiga qat’iy rioya etish bo‘yicha qo‘shimcha tavsiyalar berildi.