Suhbat davomida yettilik a’zolarining xar birining o‘z yo‘nalishi bo‘yicha e’tibordan tushib qolayotgan, biroq dolzarb bo‘lgan yechimini kutib turgan masalalarga urg‘u berildi.

Jumladan: Tolariq MFY raisi Allayor Djumayev bilan ko‘p qavatli turar joy binolaridagi liftlarni ishlashi, holati, boshqaruv kompaniyalari (BSK) faoliyati samaradorligi, ko‘p qavatli uylar ichki yo‘laklari (poyezdlari), yerto‘lalari, atrofidagi maydon tozaligi va yoritilishi holati, uylarda issiq va sovuq suv bilan ta’minlash, elektr quvvati, gaz bilan bog‘liq masalalar holati, mahalla binosining kadastr hujjatlari; 

Yoshlar yetakchisi Xojiakbar Sodiqov tomonidan amalga oshirilayotgan tadbirlar samaradorligi, yoshlar bandligi. Mahalladagi aholi va bolalar uchun 125-umumta’lim maktabining sport zalidan, darsdan tashqari vaqtlarda foydalanish va ulardagi sport anjomlari mavjudligi, jihozlarining holati;

Hokim yordamchisi Qamariddin Xolbekovning aholi, ayniqsa yoshlar va ayollar bandligini ta’minlash, tadbirkorlik faoliyatini boshlamoqchi bo‘lganlarga bank kreditlari, subsidiya va ssuda olishda ko‘maklashish orqali ishlar samaradorligi, xususan oxirgi 2 oyda aholini kambag‘allikdan chiqarish borasida amalga oshirilgan ishlari;

Xotin-qizlar faoli Marg‘uba Xalilova tomonidan 2026-yil uchun “Ayollar daftari”ni 5 ta toifa bo‘yicha shakllantirish borasida amalga oshirilayotgan ishlar;

Ijtimoiy xodim Dilafruz Ochilova tomonidan: “Inson” ijtimoiy xizmatlar markazi tomonidan aholining ijtimoiy ehtiyojmand toifalariga ko‘rsatiladigan xizmatni sifatli tashkil etilishi, kam ta’minlangan oilalarga ijtimoiy nafaqalar va moddiy yordam tayinlash va to‘lash Hozirda mahallada nechta fuqaro tizimga bog‘langani, ularga amalda necha turdagi yordam ko‘rsatilayotgani; 

Soliq inspektori Feruza Qalandarovaga yuklatilgan vazifalarni ijrosi bo‘yicha amalga oshirilgan ishlar natijasida MFY hisob raqamidagi (mahalliy byudjetga yer va mulk solig‘i undiruvidan tushgan mablag‘ning 10% hisobidan) mablag‘ holati to‘g‘risida batafsil suhbat olib borildi. Suhbat jarayonlarida Kengash kotibiyati bosh mutaxassisi Umarbek Mamanazarov qatnashdi.

Bizni ijtimoiy tarmoqlarda kuzatib boring.

Telegram tarmog‘ida: https://t.me/MirobodKengash 

Facebook tarmog‘ida: https://www.facebook.com/share/p/1CMZpdqxre/