Xalq deputatlari Angor tumani Kengashining 3-Gilambob saylov okrugi deputati Mavlonova Ra’no tomonidan Gilambob mahallasida “Mahalla yettiligi” faoliyati o‘rganildi. O‘rganish jarayonida 209-son PF asosida amalga oshirilayotgan ishlar, aholi muammolarini aniqlash hamda ularni bartaraf etish bo‘yicha ko‘rilayotgan chora-tadbirlar atroflicha ko‘zdan kechirildi. Shuningdek, ijtimoiy himoyaga muhtoj oilalarni qo‘llab-quvvatlash, bandlikni ta’minlash va hududdagi ijtimoiy-ma’naviy muhitni yaxshilash borasida amalga oshirilayotgan ishlar tahlil qilindi. Mazkur o‘rganishlar mahalla raisi, xotin-qizlar faoli, profilaktika inspektori hamda ijtimoiy xodimlar bilan hamkorlikda olib borildi.