Xalq deputatlari shahar Kengashi faoliyatida aholi bilan to‘g‘ridan-to‘g‘ri muloqot qilish, ularni qiynayotgan muammolarni joyida bartaraf etish ustuvor vazifa sanaladi. Navbatdagi o‘rganish jarayonlari aynan fuqarolardan kelib tushgan murojaatlar asosida tashkil etildi. 

Mazkur murojaatni atroflicha o‘rganish maqsadida Xalq deputatlari shahar Kengashi raisi, deputat P.Ro‘ziboyev, Kengash deputatlari hamda tegishli tashkilot mas’ullari ishtirokida ishchi guruh shakllantirildi. 

Asosiy e’tibor mahalla hududidagi daraxtlar va yashil maydonlarni asrash, sug‘orish tizimlarini tartibga solish masalalari muhokama qilindi. Shu bilan bir qatorda murajaatda nazarda tutilgan masala ya’ni ko‘p qavatli uyga tutash bo‘lgan hududni auksion savdolariga chiqarilganligiga qaratildi.

Mazkur masala yuzasidan shahar kadastr agentligi hamda Ekologiya va iqlim o‘zgarishi Xorazm viloyati bosh boshqarmasi Urganch shahar bo‘limi rahbarlariga deputat so‘rovlari chiqarildi.