2023-yil 16-iyundagi “Davlat hisobidan yuridik yordam ko‘rsatish to‘g‘risida”gi O‘zbekiston Respublikasi Qonunining (№ O‘RQ-848) tumandagi ijrosi va aholiga bepul yuridik yordam ko‘rsatish tizimining amaldagi holatini o‘rganish maqsadida tuman Kengashi deputati S.Bekmurodova tomonidan joylarda o‘rganish ishlari olib borildi.

🔎 O‘rganish jarayonida tuman adliya bo‘limi faoliyati atroflicha tahlil qilinib, fuqarolarga davlat hisobidan yuridik yordam ko‘rsatish borasida amalga oshirilayotgan ishlar, murojaatlar bilan ishlash tizimi, huquqiy targ‘ibot va tushuntirish ishlari holati o‘rganildi.

Shuningdek, “Madad” nodavlat notijorat tashkilotining Zomin huquqiy maslahat byurosi faoliyati bilan yaqindan tanishilib, aholiga ko‘rsatilayotgan bepul yuridik maslahatlar sifati, murojaatlarning ko‘rib chiqilish tezkorligi va samaradorligi alohida e’tibor markazida bo‘ldi.

↗️ O‘rganish davomida:

— fuqarolarning yuridik yordamga bo‘lgan ehtiyoji;

— bepul yuridik xizmatlardan foydalanish darajasi;

— murojaatlar bilan ishlashdagi mavjud muammolar va kamchiliklar;

— aholining huquqiy ongi va madaniyatini oshirish bo‘yicha olib borilayotgan ishlar tahlil qilindi.