Xalq deputatlari tuman Kengashi deputati N.Ko‘ziyeva tomonidan o‘z saylov okrugi — Yangiobod mahalla fuqarolar yig‘ini hududida istiqomat qiluvchi aholining bandlik holati o‘rganildi.

O‘rganish jarayonida fuqarolarning ish bilan ta’minlanganlik darajasi, mavjud bo‘sh ish o‘rinlari, tadbirkorlik faoliyatini yo‘lga qo‘yish istagida bo‘lgan fuqarolarning muammo va takliflari atroflicha tahlil qilindi.

Shuningdek, aholi bandligini ta’minlash, yangi ish o‘rinlari yaratish va o‘zini o‘zi band qilish imkoniyatlarini kengaytirish yuzasidan tegishli tashkilotlar bilan hamkorlikda amaliy chora-tadbirlar belgilab olindi. Mazkur masala deputat nazoratiga olingan bo‘lib, bu boradagi ishlar izchil davom ettiriladi.