MUROJAATLAR E’TIBOR MARKAZIDA.

Xalq deputatlari Angor tumani Kengashi 6-Qorasuv saylov okrugi deputati Jamshid Raximqulov tomonidan fuqarolar murojaatlari doimiy e’tiborda bo‘lib kelmoqda.

Navbatdagi murojaatlarda hududdagi elektr energiyasi ta’minotida kuchlanishning pastligi, elektr tarmoqlaridagi mavjud muammolar hamda aholini qiynab kelayotgan ayrim kommunal masalalar ko‘tarildi.

Mazkur murojaatlar yuzasidan holat joyiga chiqib o‘rganildi hamda masalani ijobiy hal etish maqsadida tegishli mutasaddi tashkilotlarga deputatlik so‘rovi yuborildi.

Fuqarolarning murojaatlarini o‘z vaqtida ko‘rib chiqish va mavjud muammolarni bartaraf etish deputatlik faoliyatining ustuvor yo‘nalishlaridan biri hisoblanadi.