Kengashning 12 – 16-may kunlari uchun mo‘ljallangan haftalik ish rejasiga muvofiq “Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha” doimiy komissiyasining navbatdagi yig‘ilishi bo‘lib o‘tdi.

Doimiy komissiya yig‘ilishida dastlabki tarzda quyidagi masalalar ko‘rib chiqildi:
– tuman byudjetining qo‘shimcha manbalari hisobidan mablag‘larni yo‘naltirish to‘g‘risida;
(2026-yil birinchi chorak yakuni bo‘yicha)
– tuman mahalliy byudjetining 2026-yil birinchi chorak ijrosi haqida;
– tuman mahalliy byudjetidan 2026-yil birinchi chorak davomida qo‘shimcha ajratilgan mablag‘lar haqida.

So‘ngra komissiya hamda Kengash huzuridagi ekspert guruhi a’zolari ushbu masala yuzasidan o‘zlarining zarur taklif va tavsiyalarini bildirib o‘tishdi.

Mazkur masalalarni navbatdagi sessiya kun tartibiga kiritish belgilab olindi hamda doimiy komissiyaning har bir masala yuzasidan tegishli qarorlari tasdiqlandi.

Xalq deputatlari Uchko‘prik tumani Kengashi