Xalq deputatlari Bekobod shahar Kengashining Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasining yig‘ilishi bo‘lib o‘tdi. Kun tartibiga kiritilishi rejalashtirilgan masala dastlabki tartibda ko‘rib chiqilbi. Komissiya yig‘ilishida Bekobod shahar Ekologiya va iqlim o‘zgarishi bo‘limi boshlig‘i o‘rinbosari N.Abdukadirovaning
“Yashil makon” umummilliy loyihasi doirasida amalga oshirilayotgan ishlar yuzasidan hisoboti eshtildi. Hisobotda hududda olib borilayotgan ko‘kalamzorlashtirish ishlari, yangi daraxt va butalar ekish, mavjud yashil hududlarni saqlash va parvarishlash borasida amalga oshirilayotgan chora-tadbirlar haqida batafsil ma’lumot berildi. Mazkur masala doimiy komissiya a’zolari tomonidan atroflicha muhokama etilib, sessiya kun tartibiga kiritish yuzasidan tegishli qaror qabul qilindi.