Xalıq deutataları Bozataw rayonlıq Keńesi, 13-sanlı “Porıltaw” saylaw okruginen (“ÓzXDP”) deputat Bisenov Kenjegali “Aspantay” APJ aymaǵındaǵı Porıltaw awılında puqaraları menen ótkerilgen ushırasıw dawamında aymaq turǵınları tárepinen bir qatar áhmiyetli mashqalalar kóterildi.

Onda “Aspantay–Nókis” jónelisindegi avtobus qatnawı Porıltaw elatına alıp barıwshı asfalt joldaǵı kanaldan ótetuǵın kópir hám joldıń jaramsız jaǵdayǵa kelip qalǵanlıǵı menen baylanıslı qıyınshılıqlarǵa dus kelmekte.

Bul mashqalalı máselede deputat, rayon hákiminiń qurılıs, tosqınlıqlarsız ortalıq jaratıw, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı – Abadanlastırıw basqarması baslıǵı J.Xabibullaevqa deputatlıq soraw jiberilgen edi.

Bul berilgen deputat sorawǵa tómendegishe juwaplar berilgen:

Bozataw rayonı hákimligi tárepinen joqardaǵı másele boyınsha tapsızmasına tiykar Bozataw rayonı Jollardan paydalanıw mámleketlik shólkemi tárepinen «Aspantay-Nókis» avtobusi “Porıltaw” elatına alıp barıwshı asfalt joldan ótiwshi kanaldıń kópiri hámde jol tártipke keltirlip mashqalap saplastırlǵanlıǵın bildirilgen.

Xalqımız iygiligi ushın hám jaqsı jasaw shárayatqa iye bolıw ushın deputatlarımızda salmaqlı úleslerin qosıp kelmekte.