Saxovatpesha deputat sabab sportsevar yoshlarning quvonchlari cheksiz 

Xalq deputatlari
Xiva tuman Kengashi deputati Otaxon Masharipovning saylovchilari bilan bu galgi yakkama –yakka
muloqotlari ham samarali tashkil etildi. Ochiq muloqotlar jarayonida deputat
saylovchilarning dardu-tashvishlarini eshitib, ularni qiynab kelayotgan
muammolarini bartaraf etishga kirishgan. 

Xususan,
tumandagi “Chinobod” mahallasida joylashgan 17-sonli umumta’lim maktabining
sport maydoni yaroqsiz, ta’mirtalab holatga kelib qolganidan sport
mashg‘ulotlarini bajarishda o‘quvchilar qiyinchiliklarga duch kelayotgani
to‘g‘risidagi maktab jamoasi va bir guruh ota-onalarning qilgan bayoni deputat
tomonidan e’tiborga olindi va muammo ikki kun ichida bartaraf etildi. 1225 m² hajmdagi
maydonga ega bo‘lgan mazkur sport maydonga deputatning
homiyligida 120 m³ shpes qoplamasini deputat kerakli transport
vositalarini jalb qilgan holda sport maydonchasini tekis holatga keltirildi va
muammolar bartaraf etilib maktab o‘quvchilariga topshirildi. 

Ayni kunda
maktab jamoasi, ota-onalar ayniqsa o‘quvchilar, mahalla bolalarining quvonchi cheksiz. Endilikda, sportsevar
yoshlar sport bilan shug‘ullanishlari uchun to‘siqlarga uchrashmaydi. Bir so‘z bilan
aytganda, deputatning bu kabi sa’y harakatlari saylovchilar roziligi hamda Yangi
O‘zbekistonimizni ma’nan hamda jismonan yetuk yoshlar bilan birga qurishimizga
xizmat qiladi.