Deputat nazorati 

Saidbod mahallasida ichki yo‘llar asfaltlanmoqda 

Piskent tumanida aholi uchun qulay sharoit yaratish va
mahalla infratuzilmasini takomillashtirish maqsadida Saidbod mahallasida
yo‘llarni asfaltlash ishlari amalga oshirilmoqda. 

Loyiha doirasida Navoiy, Yangiobod, Ahil va Kelajak
ko‘chalarida jami 10 kilometr 200 metr masofada asfaltlash ishlari bajarildi.
Mazkur ishlar hudud deputati N.Ubaydullayeva hamda jamoatchilik vakillari
tomonidan doimiy nazoratga olingan. 

Asfaltlash jarayoni mahalladagi yo‘l infratuzilmasini
yaxshilash, aholi harakatlanishi uchun qulay sharoit yaratish va hududning obod
qiyofasini ta’minlashga qaratilgan. 

Hudud deputatining ta’kidlashicha, yo‘llarni
ta’mirlash va asfaltlash ishlari izchillik bilan davom ettirilib, aholining
turmush sifatini oshirishga xizmat qiladi.