Mazkur tadbirlar Samarqand shahrida ham uzviylik kasb etmoqda. Hususan, Samarqand shahar partiya tashkiloti hamda partiyadan Saylangan deputatlar tashabbusi bilan, ko‘p yillik daraxtlarni parvarishlash, saqlash yuzasidan monitoring tadbirlari o‘tkazilmoqda. Shunday tadbirlar shahardagi O‘rikzor mahallasida bo‘lib o‘tdi. Unda Samarqand shahar partiya tashkiloti raisi U.Amirov, partiyadan saylangan Samarqand shahar Kengashi deputati N.Bagirovlar ishtirok etib, O‘rikzor mahallasida joylashgan ko‘p yillik daraxtlarning holati ko‘zdan kechirildi. Tadbir davomida mutahassislarni jalb etgan holda ko‘p yillik daraxtlarni saqlab qolish yuzasidan amaliy choralar ko‘rishlik belgilandi.