O‘zbekiston Xalq demokratik partiyasidan Xalq deputatlari Ishtixon tuman Kengashi deputati Nurali Kiyamov o‘zi saylangan 20-Mitan saylov okrugi hududidagi Xonaqa MFY Xonaqa qishlog‘ida joylashgan 42-umumiy o‘rta ta’lim maktabida bo‘lib, “Yashil makon” umummilliy loyihasi doirasida amalga oshirilgan ishlar, davlat xususiy-sheriklik asosida maktabni isitish holati hamda ko‘mir zaxirasi va sifatini o‘rgandi. O‘rganish davomida “Yashil makon” umummilliy loyihasi doirasida ijobiy ishlar amalga oshirilgani, ko‘mir zaxirasi yetarli va sifatli ekanligi, sinf xonalarning isitilishi o‘rta darajada ekanligi aniqlandi. Shu bilan bir qatorda tadbirkor tomonidan maktab sport zalining isitish qozoni almashtirilmaganligi va sport zali isitilmayotganligi ma’lum bo‘ldi. Bu haqda “Saxovatli Temur” MChJ mas’ullariga tegishli tavsiyalar berildi.