Xalq deputatlari Jizzax shahar Kengashi deputati S. Donishev “Zargarlik” mahalla fuqarolar yig‘ini hududida joylashgan 18, 29, 39- davlat maktabgacha taʼlim tashkilotlari hamda 19, 30 umumtaʼlim maktablarida bo‘lib, ularning shaxsan rahbarlari ishtirokida mazkur ijtimoiy soha obyektlarining 2024-2025 yil kuz-qish mavsumiga tayyorgarlik ishlari bilan tanishdi.

O‘rganishlar jarayonida shu narsa maʼlum bo‘ldiki, ushbu muassasalarda isitish tizimi, elektr energiyasi bilan bog‘liq muammolar o‘z vaqtida bartaraf etilgan. 39-davlat maktabgacha taʼlim tashkiloti 2025 yil uchun mo‘ljallangan Dasturga ko‘ra kapital taʼmirlash rejasiga kiritilgan. 18-DMTT va 30-umumtaʼlim maktabining qurib, taʼmirlanganligiga ko‘p vaqt bo‘lmaganligi sababli bu borada muammolar yo‘q. Faqat 19-umumtaʼlim maktabining tom qismini kapital taʼmirlash, 29-davlat maktabgacha taʼlim tashkilotida xodimlar uchun tashqi hojatxona qurishga ehtiyoj mavjud.