Oliy Majlis Qonunchilik palatasi deputatlari xalq bilan ochiq muloqot qilish, ijtimoiy soha obʼektlari, tadbirkorlik subʼektlari faoliyati bilan tanishish maqsadida hududlarda uchrashuvlar oʼtkazmoqda.

Oliy Majlis Qonunchilik palatasi Spiker oʼrinbosari, OʼzLiDeP fraktsiyasi rahbari Аktam Xaitov Navoiy viloyati Navoiy viloyatida boʼlib, saylovchilar bilan muloqotda qildi va hududdagi sanoat korxonalari faoliyati bilan yaqindan tanishdi. 

Uchrashuv davomida Аktam Xaitov Qonunchilik palatasi tomonidan qabul qilingan yangi qonunlar, jumladan, yer uchastkalariga boʼlgan mulk va ijara huquqini eʼtirof etishga qaratilgan qonunning mazmun-mohiyatini atroflicha tushuntirdi. Mazkur qonun bilan oʼzboshimchalik bilan egallab olingan yer uchastkalariga hamda ularda qurilgan binolar va inshootlarga boʼlgan huquqlarni eʼtirof etishning aniq tartibi belgilanayotgani taʼkidlandi.

Shuningdek Vazirlar Mahkamasining joriy yil 16 aprelь kuni imzolangan “Yoqilgʼi-energetika sohasida bozor mexanizmlarini joriy etishning qoʼshimcha chora-tadbirlari toʼgʼrisida”gi qarori mazmun-mohiyati va unda belgilab berilgan dolzarb vazifalar yuzasidan ham atroflicha fikr almashildi.

Muloqotda davlatimiz rahbari tomonidan selektor yigʼilishlarida hamda tashriflari davomida hududlarni ijtimoiy-istisodiy rivojlantirish borasida belgilab berilayotgan vazifalar ijrosini taʼminlashda yanada faollik talab qilinishi, fuqarolar bilan doimiy muloqotda boʼlishi, muammo va takliflarini tegishli tashkilotlar orqali hal qilib borish lozimligi taʼkidlab oʼtildi.

Uchrashuv davomida deputatlarning ham takliflari, fikr-mulohazalari tinglandi.