Joriy 2025-yilda Payariq tumani Farovon mahallasida sodir etilgan jinoyat holati mahalla faollari, keng jamoatchilik va nuroniylar ishtirokida muhokama qilindi. Ushbu muhim yig‘ilishda Xalq deputatlari Payariq tumani Kengashi deputati N.Ochilova ham qatnashib, voqeaning sabablari va uning jamiyatga salbiy ta’siri yuzasidan o‘z fikr-mulohazalarini bildirdi.  

 Muhokama davomida jinoyat sodir etilishiga sabab bo‘lgan omillar, xususan, oilaviy muhit, tarbiya, mahalla nazorati kabi masalalar chuqur tahlil qilindi. Ajrim yoqasiga kelib qolgan oilalarning ota-onalari bilan olib borilgan suhbatlar orqali muammolarga individual yondashuv asosida yechim topishga urinishlar qilindi.

Shuningdek, mahalla nuroniylari ishtirokida o‘tkazilgan ochiq muloqotda yoshlar tarbiyasi, ijtimoiy nazorat va jamoaviy mas’uliyat masalalari muhokama markazida bo‘ldi. Bu kabi tadbirlar jinoyatchilikning oldini olish, fuqarolik mas’uliyatini
oshirish, hamjihatlik va birdamlikni mustahkamlashda muhim o‘rin tutadi.