Xalq deputatlari tuman Kengashi bosh mutaxassisi D. Shamsiddinova tomonidan 16-Oybek saylov okrugi hududida joylashgan "Talqoq" mahallasida o‘rganish ishlari amalga oshirildi. Tashrif davomida mahalla ko‘chaboshisi N. Xamroyev bilan uchrashilib, hududda mavjud muammolar va ularni bartaraf etish bo‘yicha fikr-mulohazalar almashildi.

Shuningdek, mahalla hududida joylashgan "Janubiy Izolyatsiya Plyus" xususiy korxonasiga tegishli 5 qavatli turar joy binosida olib borilayotgan qurilish ishlari bilan tanishildi. Qurilish maydonida bino proрабi bilan suhbat o‘tkazilib, amalga oshirilayotgan ishlar yuzasidan ma'lumotlar olindi.

Suhbat davomida binoning ichki xonalarida suvoqlash ishlari olib borilayotgani, qurilish jarayonida hosil bo‘lgan chiqindilarni o‘z vaqtida tartibga keltirish va hudud sanitariya holatini saqlash zarurligi alohida ta'kidlandi.

Mas'ullar tomonidan ma'lum qilinishicha, mazkur obyektda qurilish ishlari joriy yil yakuniga qadar davom ettiriladi hamda bino yil oxirida foydalanishga topshirilishi rejalashtirilgan.