🔎 O‘rganish davomida ushbu ichki ko‘cha orqali harakatlanadigan to‘rtta xonadon aholisi tomonidan ko‘tarilgan murojaatlar atroflicha ko‘rib chiqildi.

⚠️ Aniqlanishicha, ko‘cha boshida yashovchi fuqaro tomonidan o‘z xonadoni ro‘parasidagi ichki yo‘l qismi burchatka qoplamasi bilan qoplangan. Mazkur holat natijasida ushbu yo‘ldan transport vositalari harakatlanganda qoplamaning cho‘kishi yuzaga kelayotganligi sabab qilib ko‘rsatilib, yo‘lga turli to‘siqlar o‘rnatilgan. Natijada ichki ko‘chadan foydalanadigan boshqa xonadon egalari transport vositalarida erkin kirib-chiqishda jiddiy noqulayliklarga duch kelmoqda.

💬 Bundan tashqari, qarama-qarshi tomondagi xonadonlardan yomg‘ir suvlari bevosita yo‘lga oqib tushayotgani sababli yo‘l asosining yemirilishi, burchatka qoplamasining o‘pirilishi va cho‘kishi kuzatilgani aniqlandi. Mazkur holat nafaqat yo‘l infratuzilmasiga zarar yetkazmoqda, balki transport harakati va fuqarolarning kundalik hayoti uchun ham noqulaylik tug‘dirmoqda.

🤝 Hududda yashovchi fuqarolar bilan ochiq muloqot o‘tkazilib, ularning fikr va takliflari tinglandi. Muammoning kelib chiqish sabablari, amaldagi qonunchilik talablaridan kelib chiqib uni bartaraf etishning huquqiy va amaliy yechimlari yuzasidan mas'ullar bilan muhokamalar olib borildi.

📝 O‘rganish yakunida Shiroq ko‘chasida aniqlangan barcha holatlar 2-"Yulduz" saylov okrugi deputati I.Shatovaning **"Murojaatlar daftari"**ga batafsil qayd etilib, ijrosi deputatlik nazoratiga olindi.

📨 Shuningdek, mazkur masalani har tomonlama o‘rganish, yo‘lning huquqiy maqomi, undan umumiy foydalanish tartibi, transport harakatini cheklash holatining qonuniyligi hamda yo‘l infratuzilmasini tiklash bo‘yicha zarur choralarni ko‘rish maqsadida shaharning tegishli mutasaddi tashkilotlariga rasmiy deputatlik so‘rovlari yuborilishi belgilandi.

✅ Xalq deputatlari Termiz shahar Kengashi tomonidan fuqarolarni qiynayotgan har bir muammoni joyiga chiqib o‘rganish, uni qonuniy asosda hal etish va natijador deputatlik nazoratini ta’minlash bo‘yicha amaliy ishlar izchil davom ettiriladi.