Mahalla infratuzilmasini yaxshilash – ustuvor vazifa: Ko‘prik masalasida deputatlik so‘rovi yuborildi


Yangi ro‘zg‘or va Ittifoq mahallalarini bog‘lovchi ko‘prikning ta’mirlanishi tuman infratuzilmasini rivojlantirish doirasida nazoratga olinadi.

O‘zbekiston Ekologik partiyasidan saylangan Xalq deputatlari Uzun tumani Kengashi deputati S.Toxirovga “Yangi ro‘zg‘or” mahallasida istiqomat qiluvchi aholi vakillari tomonidan mahalla infratuzilmasidagi eng og‘riqli muammolardan biri yuzasidan jamoaviy murojaat kelib tushdi.

Murojaatda “Yangi ro‘zg‘or” va qo‘shni “Ittifoq” mahallalarini o‘zaro bog‘lovchi, avtomobillar harakati uchun mo‘ljallangan ko‘prikning bugungi kunda avariya holatiga kelib qolganligi, bu esa har ikki mahalla ahlining kundalik turmushiga, ayniqsa transport qatnoviga jiddiy to‘sqinlik qilayotgani bayon etilgan.