Xalq deputatlari Qo‘qon shahar Kengashi tomonidan 2026-yilning yanvar–iyun oylarida amalga oshirilgan faoliyat yakunlari tahlil qilinib, asosiy ko‘rsatkichlar sarhisob qilindi.

Hisobotga ko‘ra, mazkur davr mobaynida deputatlar va Kengash tomonidan aholi murojaatlari bilan ishlash, hududlarni rivojlantirish, nazorat tadbirlarini amalga oshirish hamda ochiqlikni ta’minlash borasida qator ishlar amalga oshirildi.

Asosiy natijalar:
77 ta deputatlik so‘rovi yuborildi;
53 ta deputatlik so‘rovi ijrosi natijasida muammolar ijobiy hal etildi;
23 ta hisobot va 12 ta axborot Kengash majlislarida eshitildi;
8 ta sessiya o‘tkazilib, 50 ta qaror qabul qilindi;
Deputatlar tomonidan 124 ta fuqarolar qabuli va uchrashuvlari tashkil etildi;
Uchrashuvlar davomida 159 ta muammo aniqlanib, shundan 148 tasi ijobiy hal etildi.

Shuningdek, hisobot davrida Kengash faoliyatini ommaviy axborot vositalari va ijtimoiy tarmoqlar orqali keng yoritishga alohida e’tibor qaratildi. Natijada 545 ta axborot materiali e’lon qilinib, shundan 421 tasi ijtimoiy tarmoqlar orqali jamoatchilikka yetkazildi.

Hududlarni rivojlantirishga qaratilgan dasturlar ijrosi yuzasidan deputatlar tomonidan muntazam o‘rganishlar olib borilib, 56 ta obyekt va loyiha monitoring qilindi hamda 24 ta muammo aniqlanib, ularni bartaraf etish bo‘yicha tegishli chora-tadbirlar belgilandi.

Xalq deputatlari Qo‘qon shahar Kengashi tomonidan 2026-yilning birinchi yarim yilligida amalga oshirilgan ishlar yuzasidan parlament va deputatlik nazoratini yanada kuchaytirish, fuqarolar murojaatlari bilan ishlash samaradorligini oshirish hamda hududlarni kompleks rivojlantirish bo‘yicha ishlar izchil davom ettiriladi.

Xalq deputatlari Qo‘qon shahar Kengashi