Xalq deputatlari Qo‘qon shahar Kengashining "Korrupsiyaga qarshi kurashish va xavfsizlik masalalari bo‘yicha" doimiy komissiyasi azolari hamda "Madad" nodavlat notijorat tashkiloti xodimi M.Toshboltaboyevalar hamkorligda O‘zbekiston Respublikasi Prezidentining 2019-yil 19-fevraldagi PQ–4197-sonli "O‘zbekiston Respublikasi Prezidentining Xalq qabulxonalari faoliyati bilan bog‘liq nizomlarni tasdiqlash to‘g‘risida"gi qarori ijrosi yuzasidan o‘tkazilgan yig‘ilish yakunlari asosida doimiy komissiya qarori loyihasi tayyorlandi.

Qaror loyihasida O‘zbekiston Respublikasi Prezidentining Qo‘qon shahridagi Xalq qabulxonasi tomonidan taqdim etilgan axborot, fuqarolar murojaatlari bilan ishlash holati, murojaatlarni ko‘rib chiqishda aniqlangan kamchiliklar hamda ularni bartaraf etish bo‘yicha belgilangan vazifalar o‘z aksini topdi.

Shuningdek, hududdagi tashkilot va muassasalar rahbarlariga fuqarolar murojaatlarini qonunchilikda belgilangan muddatlarda va sifatli ko‘rib chiqish, sayyor qabullar samaradorligini oshirish, ijro intizomini mustahkamlash hamda murojaatlar tahlili asosida tizimli muammolarni bartaraf etish yuzasidan tegishli tavsiyalar kiritildi.

Tayyorlangan qaror loyihasi belgilangan tartibda ko‘rib chiqish va tasdiqlash uchun Xalq deputatlari Qo‘qon shahar Kengashining navbatdagi sessiyasi kun tartibiga kiritish tavsiya etildi.

Xalq deputatlari Qo‘qon shahar Kengashi