🏛 Xalq deputatlari Shovot tumani Kengashi deputati, MTDPdan 10-"Do‘stlik" saylov okrugi deputati Po‘lat Yo‘ldoshevich Sultanov tomonidan Do‘stlik mahallasida uyma-uy yurish orqali fuqarolar bilan uchrashuvlar tashkil etildi.
👥 O‘rganish jarayonida:
🔹 Xalq deputatlari Shovot tumani Kengashi deputati Po‘lat Yo‘ldoshevich Sultanov;
🔹 Kengash kotibiyati mudiri Izzat Masharipovich Masharipov;
🔹 Kengash kotibiyati hodimi Umrbek Shavkatovich Ro‘zmetov ishtirok etdilar.
🎠 Uyma-uy yurish davomida mahalladagi bolalar maydonchasining bugungi holati joyiga chiqib o‘rganildi. Aholi bilan muloqot davomida maydonchani zamonaviy talablar asosida rekonstruksiya qilish, bolalar uchun xavfsiz va qulay sharoitlar yaratish zarurligi ta’kidlandi.
📞 Mazkur masala yuzasidan deputat tomonidan shu joyning o‘zida tegishli mutasaddi tashkilotlar bilan bog‘lanilib, bolalar maydonchasini zamonaviy ko‘rinishda qayta barpo etish bo‘yicha yaqin kunlarda amaliy ishlar boshlanishi ma’lum qilindi.
🤝 Fuqarolar tomonidan bildirilgan taklif va murojaatlar nazoratga olinib, ularning ijrosini ta’minlash yuzasidan zarur choralar ko‘rilishi belgilandi.
✅ Mahallalarda olib borilayotgan bunday uyma-uy o‘rganishlar aholini qiynayotgan muammolarni joyida hal etish, deputatlik nazoratini kuchaytirish hamda fuqarolar manfaatlarini ta’minlashga xizmat qilmoqda.