Xalq deputatlari Termiz shahar Kengashi raisi D.Normuradova hamda Kengash kotibiyati bosh mutaxassisi A.Temirovlar Kengash raisning o‘z saylov okrugiga qarashli “Farxod” mahallasida bo‘lib, navbatdagi nazorat-tahlil tadbirlarini o‘tkazdilar.

💬Mas'ullar tomonidan mahalla idorasida jamoat tartibini saqlash, aholi murojaatlari bilan ishlash va ijtimoiy himoya tizimi tahlil qilinib, ikki muhim yo‘nalish ko‘rib chiqildi:

⏺Mahalla raisining kunlik ish yuritish tizimi, "mahalla yettiligi" faoliyatini muvofiqlashtirishi, aholi murojaatlari va xonadonbay o‘rganishlar natijalari bo‘yicha hujjatlar yuritilishi holati sinchkovlik bilan ko‘rib chiqildi.

💬Oʻzbekiston Respublikasining 2019-yil 2-sentabrdagi OʻRQ-561-sonli “Xotin-qizlarni tazyiq va zoʻravonlikdan himoya qilish toʻgʻrisida”gi Qonuni talablari asosida xotin-qizlar faolining ish jarayoni tahlil qilindi:

🟢Tazyiq va zo‘ravonlik profilaktikasi: Mahallada tazyiq va zo‘ravonlikka uchragan yoki shunday xavf ostida bo‘lgan xotin-qizlarni barvaqt aniqlash hamda ularga "Himoya orderi" berishda profilaktika inspektori bilan hamkorlik tizimi;

🟢Nizoli oilalar bilan ishlash: Ajrim yoqasiga kelib qolgan xonadonlar, notinch oilalar bilan manzilli ishlash va ularni sog‘lomlashtirish choralari;

🟢Ijtimoiy qo‘llab-quvvatlash: "Ayollar daftari"da turgan xotin-qizlarning bandligini ta’minlash hamda ularga psixologik, huquqiy va moddiy ko‘mak berish sifati.

💬"Ayollarni tazyiq va zo‘ravonlikdan himoya qilish to‘g‘risidagi Qonun — bu shunchaki huquqiy hujjat emas, balki jamiyatimiz asosi bo‘lgan oilalarimiz mustahkamligi va xotin-qizlarimiz xavfsizligining kafolatidir. Xotin-qizlar faoli mahallada har bir ayolning dardu tashvishi bilan yashashi, muammolarni jiddiylashmasdan oldin aniqlab, ularga amaliy ko‘mak berishi lozim. Bu borada tizimli nazoratni qat'iy davom ettiramiz," — deya ta'kidladi Kengash raisi.

O‘rganish yakunida "Farxod" mahallasida xotin-qizlarning huquqiy savodxonligini oshirish, oilaviy nizolarning oldini olishda mahalla faollari hamkorligini yanada kuchaytirish hamda ish yuritish tizimidagi aniqlangan kamchiliklarni tezkor bartaraf etish yuzasidan mas’ullarga aniq ko‘rsatma va tavsiyalar berildi.