#Deputatlik_nazorati #Kotibiyat_hududlarda
#24_ta_tavsiyaviy_savol #162_ta_eng_muhim_qonun #haftalik_ish_reja_ijrosi

Paxtakor mahallasida yo‘l infratuzilmasi va harakat xavfsizligi masalalari o‘rganildi

🇺🇿 Xalq deputatlari Uchtepa tumani Kengashi deputati Imamov Sabitjon Xudaynazarovich tomonidan 24 talik tavsiyalar ijrosi yuzasidan "8-Ko‘kcha-Oqtepa" saylov okrugidagi Paxtakor mahallasida yo‘l infratuzilmasi va harakat xavfsizligi masalalari o‘rganildi.

📊 O‘rganish davomida 24 talik tavsiyalarning - mahalla ichki ko‘cha yo‘llari holati, ko‘chalarning tungi yoritilishi, avtomobil yo‘llaridagi tirbandliklarni kamaytirish hamda yo‘l-transport hodisalari ko‘p sodir bo‘ladigan hududlarda YTHlarning oldini olishga qaratilgan bandlari ijrosi tahlil qilindi.

🚦 Jumladan, kichik halqa avtomobil yo‘lidagi piyodalar o‘tish joyida o‘rnatilgan bir tomonlama svetofor uskunasining nosozligi aniqlanib, mazkur holat yuzasidan shahar svetofor tarmoqlariga xizmat ko‘rsatuvchi tashkilotga murojaat qilinib, nosozlikni bartaraf etish bo‘yicha buyurtma qoldirildi.

📁 Shuningdek, mahalladagi 86-uy oldidagi eskirgan ariqni yangisiga almashtirish zarurligi qayd etildi. Mazkur masala yuzasidan tegishli tashkilotlarga deputatlik so‘rovi yuborilishi belgilandi.

📝 Bundan tashqari, mahallaga kirish qismidagi yo‘l tuman elektr tarmoqlari tomonidan qazilgan bo‘lishiga qaramay, bugungi kunga qadar asfalt qoplamasi tiklanmagani aniqlandi. Ushbu holat hamda o‘rganish davomida aniqlangan boshqa infratuzilmaviy muammolar bo‘yicha ham tegishli tashkilotlarga deputatlik so‘rovlari yuborilishi belgilandi.

🗂 Shuningdek, O‘zbekiston Respublikasining "Yo‘l harakati to‘g‘risida" 2024-yil 19-yanvardagi O‘RQ-900-sonli Qonuni ijrosi va uning amaliyotdagi qo‘llanilishi yuzasidan ham o‘rganish olib borildi.

💼 O‘rganishda xalq deputatlari Uchtepa tumani Kengashi kotibiyati mudiri Anvar Usmanov hamda kotibiyat bosh mutaxassisi Umidbek Abilov ishtirok etdi.