Joriy yilning 24 iyun kunida Islom Taraqqiyot banki va OREKning Xalqaro taraqqiyet jamg‘armasi tomonidan moliyalashtirilayotgan, VMTTD va O‘zbekiston Respublikasi iqtisodiyot va Moliya vazirligi tomonidan amalga oshirilayotgan "Qishloq joylarni barqaror rivojlantirish" qo‘shma loyihasi bo`yicha uchrashuv bo`ldi. Uchrashuvda Navoiy viloyati, Karmana tumani "Talqoq" mahallasida bajarish uchun tasdiqlangan 6 ta yo‘nalish bo‘yicha subloyixalar aholi o‘rtasida o‘rganib chiqildi.

Unda Islom Taraqqiyet banki vakili R.Raimov hamda Navoiy viloyati "Qizil yarim oy" jamiyati raisi M.Amriyevna va Xalq deputatlari Karmana tuman deputati M.Sharipova boshchiligida "Talqoq" MFYda 6 ta yunalish buyicha, ya’ni

     1. "Talqoq" MFYda elektr ta’minotini yaxshilash maqsadida 3 ta transformator o‘rnatish, shuningdek 9,5 km masofada elektr uzatish liniyasini yoritish;

   2. 120 o‘rinli maktabgacha ta’lim muassasa binosini qurish, zamonaviy jihozlash va mebellar bilan to‘ldirish.

   3. "Talqoq" MFYdagi "Lubaton" Oilaviy shifoxona punktini binosini mukammal ta’mirlash va 75 o‘rinli qo‘shimcha yangi bino qurish.

   4. "Lubaton-2” ko‘chasida bitta ichimlik suvi rezervuari obyektini qurish bilan uzunligi 2 km suv quvuri yotqizish.

   5. "Talqoq" MFY ko‘chalarda 3 km uzunlikdagi kanalizatsiya tizimini rekonstruksiya qilish.

   6. "Talqoq" MFYda uzunligi 10 km (eni 4,5) bulgan yul va ko‘chalarni asfaltlashtirish to‘grisida mukammal tushuntirish ishlari olib borildi.