Kengash qarorlari ijrosi
ta'minlanmoqda 

O‘zbekiston Respublikasi Oliy Majlisi Qonunchilik
palatasi Kengashining va O‘zbekiston Respublikasi Oliy Majlisi Senati
Kengashining 2023 yil 13 dekabrdagi “Respublkamizda yerlardan oqilona va
samarali foydalanish holatini o‘rganish, bu borada mahalliy Kengashlar
tomonidan nazorat qilish samaradorligini yanada oshirish to‘g‘risida” gi
3787-IV/KQ-642-IV-son qo‘shma qarori hamda Xalq deputatlari Farg‘ona tuman
Kengashining 2024-yil 5-fevraldagi “Farg‘ona tumanida yerlardan oqilona va
samarali foydalanish holatini o‘rganish samaradorligini yanada oshirish
to‘g‘risida”gi VI-78-6-11-163-K/24- sonli qarorlar ijrosini o‘rganish maqsadida
Ishchi guruhi a'zolari tuman Kengashi kotibiyat mudiri F.Mirzayev, tuman soliq
inspektsiyasi boshliq o‘rinbosari D.O‘rmonov va qishloq xo‘jaligi bo‘limi
mutaxassislari tuman hududidagi fermer xo‘jaliklari faoliyatini o‘rgandilar. 

O‘rganish natijasida hududdagi ayrim fermer
xo‘jaliklari rahbarlari tomonidan soliq va boshqa to‘lovlarini vaqtida to‘lamay
qarzdorliklar miqdorini oshirib, yerdan samarali foydalanmayotgan holatlar
aniqlanib, fermer xo‘jaliklari rahbarlari bilan bog‘lanib, kamchiliklarni
bartaraf qilib, qishloq xo‘jaligidan foydalanayotgan yerlardan oqilona va
samarali foydalanish kerakligi bo‘yicha tavsiya berilib, aks holda 2023-yil
31-dekabrdagi PF-15-sonli farmonga asosan zahiraga qaytarish yuzasidan
ogohlantirish berildi.