#deputat_soʻrovi #poytaxtdeputatlari #deputatlik_faoliyati

❗️ “Parvoz” mahallasidagi 86- va 306-sonli maktabgacha ta’lim tashkilotlari atrofida yo‘l harakati xavfsizligini kuchaytirish masalasi deputatlik so‘rovi orqali ko‘tarildi

🏛 Xalq deputatlari Toshkent shahar Kengashi deputati Inomjon Madjidov tomonidan Yashnobod tumani “Parvoz” mahallasidagi 86- va 306-sonli davlat maktabgacha ta’lim tashkilotlari atrofida bolalar va piyodalar xavfsizligini ta’minlash masalasi yuzasidan Toshkent shahar hokimining transport va yo‘l infratuzilmasi masalalari bo‘yicha o‘rinbosari A.A. Baxtiyev nomiga deputatlik so‘rovi yuborildi.

📩 Deputatlik so‘roviga Xalq deputatlari Yashnobod tumani Kengashi deputati S.Q. Suvonqulov tomonidan yuborilgan murojaat hamda “Parvoz” mahallasida fuqarolar bilan o‘tkazilgan uchrashuvda ko‘tarilgan masalalar asos bo‘lgan. Xususan, 86- va 306-sonli davlat maktabgacha ta’lim tashkilotlari atrofida yo‘l harakati xavfsizligini ta’minlash zarurati fuqarolar tomonidan bildirilgan.

🔺 Murojaatlarda mazkur ikki maktabgacha ta’lim tashkiloti yonma-yon joylashgani, hudud bolalar suzish havzasi hamda aholi zich istiqomat qiladigan hududga tutashgani qayd etilgan. Shu sababli ushbu manzilda avtomobillar harakati serqatnov ekani ta’kidlangan.

📉 Ayniqsa, ertalab ota-onalar farzandlarini maktabgacha ta’lim tashkilotlariga olib kelishi va kechki vaqtda olib ketishi jarayonida piyodalar hamda avtomobillar harakatining kesishishi natijasida xavfli vaziyatlar yuzaga kelayotgani ma’lum qilingan.

🔎 Hududdagi mavjud holat ko‘zdan kechirilganda, 86- va 306-sonli davlat maktabgacha ta’lim tashkilotlari atrofida tegishli yo‘l belgilari hamda piyodalar o‘tish joylarini belgilovchi yo‘l chiziqlari mavjud emasligi aniqlangan. Bu esa, ayniqsa, maktabgacha ta’lim tashkilotlariga qatnovchi bolalar va ularning ota-onalari xavfsizligiga xavf tug‘dirayotgani qayd etilgan.

⚠️ Shuningdek, yo‘l harakatining tegishli tartibda tashkil etilmagani ayrim haydovchilar tomonidan yo‘l harakati qoidalariga rioya qilinmasligi, piyodalar va haydovchilar o‘rtasida tushunmovchiliklar yuzaga kelishiga sabab bo‘layotgani bildirilgan. Mazkur muammo yuzasidan ota-onalar tomonidan avval ham murojaatlar qilingan bo‘lsa-da, hozirga qadar amaliy choralar ko‘rilmagani deputatlik so‘rovida qayd etilgan.

🔎 Shu munosabat bilan deputat Inomjon Madjidov tomonidan “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5 va 8-moddalariga asosan Toshkent shahar hokimining transport va yo‘l infratuzilmasi masalalari bo‘yicha o‘rinbosari A.A. Baxtiyevdan mazkur hududdagi yo‘l harakati holatini mutaxassislar ishtirokida atroflicha o‘rganish so‘ralgan.

🚦 Deputatlik so‘rovida zarur yo‘l belgilarini o‘rnatish, piyodalar o‘tish joylarini tashkil etish, tegishli yo‘l chiziqlarini chizish va yo‘l-transport hodisalarining oldini olishga qaratilgan boshqa zarur choralarni ko‘rish masalalari alohida qo‘yilgan.

♻️ Shuningdek, A.A. Baxtiyevdan amalga oshirilgan ishlar va o‘rganish natijalari yuzasidan 10 kun muddatda asoslantirilgan ma’lumot taqdim etish so‘ralgan.

🤝 “Parvoz” mahallasidagi 86- va 306-sonli davlat maktabgacha ta’lim tashkilotlari tarbiyalanuvchilari, ularning ota-onalari hamda boshqa piyodalar uchun xavfsiz harakatlanish sharoitlarini yaratishga qaratilgan mazkur masala deputat Inomjon Madjidov tomonidan nazoratga olindi.

📱 Telegram 📱 Instagram 📱 Facebook 📱 YouTube 🔎 E-kengash