Xalq deputatlari Qo‘qon shahar Kengashi deputati X.Abdullayev tomonidan “Ashirqulmergan” mahalla fuqarolar yig‘inida O‘zbekiston Respublikasining 2012-yil 26-apreldagi O‘RQ-327-sonli “Oilaviy tadbirkorlik to‘g‘risida”gi hamda 2012-yil 2-maydagi O‘RQ-328-sonli “Tadbirkorlik faoliyati erkinligining kafolatlari to‘g‘risida”gi Qonunlari ijrosi yuzasidan amalga oshirilayotgan ishlar o‘rganildi.

O‘rganish davomida mahalla hokim yordamchisi K.Mirzayev tomonidan tadbirkorlik faoliyatini rivojlantirish, fuqarolarning bandligini ta’minlash, yangi ish o‘rinlari yaratish hamda aholining tadbirkorlik tashabbuslarini qo‘llab-quvvatlash borasida amalga oshirilayotgan ishlar yuzasidan batafsil ma’lumot berildi.

Ma’lum qilinishicha, joriy yilning o‘tgan davrida tadbirkorlik faoliyatini boshlash istagini bildirgan 20 nafar fuqaroga jami 210 million so‘m miqdorida imtiyozli kreditlar ajratilishiga ko‘maklashilgan.

Shuningdek, mahallada 27 ta mikroloyiha ishga tushirilgani qayd etildi. Mazkur loyihalarning amalga oshirilishi natijasida aholining daromad manbalarini kengaytirish va yangi ish o‘rinlari yaratishga xizmat qiluvchi amaliy ishlar olib borilmoqda.

Natijada 150 nafar fuqaroning bandligini ta’minlashga ko‘maklashilgan. Amalga oshirilgan ishlar natijasida 31 ta kam ta’minlangan oila “Kambag‘allik reyestri”dan chiqarilgan.

Bundan tashqari, 2 nafar fuqaroga subsidiya ajratilgan, 6 nafar fuqaro bepul kasb-hunarga o‘qishga yo‘naltirilgan hamda 2 nafar kam ta’minlangan fuqaroning xonadonida ta’mirlash ishlari amalga oshirilgan.

️O‘tkazilgan uchrashuv va o‘rganish ishlarida Xalq deputatlari Qo‘qon shahar Kengashi kotibiyati bosh mutaxassisi A.Adhamov tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi