Yangi o‘quv binosi — yoshlar kelajagi uchun muhim qadam

Xalq deputatlari Termiz tuman Kengashi 3-Nurafshon saylov okrugi deputati K. Abdullayeva saylangan Nurafshon MFY hududidagi 25-sonli umumta’lim maktabini rekonstruksiya qilish doirasida amalga oshirilgan ishlar manzilli o‘rganildi.

Loyiha doirasida 240 o‘rinli qo‘shimcha o‘quv binosi barpo etilib, maktab hududi to‘liq o‘rab chiqildi. Qurilish ishlari yakunlanib, yangi o‘quv binosi foydalanishga topshirildi.
Obyektdagi amalga oshirilgan ishlar Xalq deputatlari Termiz tuman Kengashi Kotibiyati mudiri A. Avliyakulov tomonidan o‘rganilib, loyiha doirasida belgilangan vazifalarning ijrosi, yaratilgan sharoitlar va bajarilgan ishlarning holati ko‘zdan kechirildi.

Mazkur loyiha O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari hamda oliy darajadagi tashriflar davomida erishilgan kelishuvlar yuzasidan ishlab chiqilgan “yo‘l xaritalari”da belgilangan chora-tadbirlar ijrosi doirasida amalga oshirildi.

Ta’lim maskanining kengaytirilishi o‘quvchilar uchun munosib sharoit yaratish, ta’lim sifatini oshirish va yosh avlodning zamonaviy bilim olishi uchun yangi imkoniyatlar ochishga xizmat qiladi.

Bu kabi bunyodkorlik va yangilanishlar — ta’limga e’tibor, inson qadri va farovon hayotga qaratilgan islohotlarning amaliy ifodasi, Yangi O‘zbekiston qiyofasining yana bir yorqin namunasidir.