Xalq deputatlari Uchquduq tuman Kengashi kotibiyat mudiri M.Kamolova tomonidan Shalxar OFYda xotin-qizlar faoli tomonidan amalga oshirilayotgan ishlar samaradorligi o‘rganildi.

O‘rganish davomida mahallada xotin-qizlar bilan ishlash tizimi, ularning muammolarini aniqlash va manzilli hal etish, ijtimoiy ko‘makka muhtoj oilalar hamda xotin-qizlar bilan olib borilayotgan ishlar tahlil qilindi.

Shuningdek, xotin-qizlarning bandligini ta’minlash, ularni kasb-hunarga o‘rgatish, tadbirkorlik faoliyatiga jalb etish, o‘zini o‘zi band qilish imkoniyatlaridan foydalanishiga ko‘maklashish borasida amalga oshirilayotgan ishlar yuzasidan ma’lumotlar o‘rganildi.

🔹 Mahalladagi xotin-qizlarning murojaatlari va mavjud muammolariga e’tibor qaratilib, ularni o‘z vaqtida aniqlash hamda tegishli tashkilotlar bilan hamkorlikda hal etish masalalari ko‘rib chiqildi.

🔹 Oila va xotin-qizlar masalalari bo‘yicha olib borilayotgan targ‘ibot-tashviqot ishlari, oilaviy qadriyatlarni mustahkamlash, ajrimlarning oldini olish hamda xotin-qizlarning huquq va manfaatlarini himoya qilish borasidagi faoliyatga ham alohida e’tibor qaratildi.
O‘rganish yakunida xotin-qizlar faoli faoliyatini yanada samarali tashkil etish, mavjud muammolarni bartaraf etish, murojaatlar bilan ishlash sifatini oshirish hamda mahalladagi xotin-qizlarni har tomonlama qo‘llab-quvvatlash yuzasidan tegishli tavsiya va ko‘rsatmalar berildi.

🤝 Xotin-qizlarning manfaatlarini himoya qilish, ularning bandligini ta’minlash va jamiyatdagi faolligini oshirish — mahalladagi muhim vazifalardan biridir.