📌 “Oilaviy tadbirkorlik to‘g‘risida”gi Qonun ijrosi o‘rganildi
Xalq deputatlari Qo‘shko‘pir tuman Kengashi kotibiyati bosh mutaxassisi S. Matyaqubova, deputatlar O. Artiqova va D. Sattarovlar tomonidan O‘zbekiston Respublikasining 2012-yil 26-apreldagi O‘RQ-327-sonli “Oilaviy tadbirkorlik to‘g‘risida”gi Qonuni talablarining ijrosi yuzasidan tuman markazida faoliyat yuritayotgan yangi ish boshlagan tadbirkorlar faoliyati o‘rganildi.
🔎 O‘rganish davomida oilaviy tadbirkorlik subyektlariga yaratilgan shart-sharoitlar, tadbirkorlik faoliyatini yo‘lga qo‘yish va rivojlantirish jarayoni, mavjud imkoniyatlardan foydalanish holati hamda tadbirkorlarni qiynayotgan muammolar atroflicha tahlil qilindi.
🤝 Tadbirkorlar bilan ochiq muloqot davomida ularning murojaat va takliflari tinglanib, qonunchilikda belgilangan huquq va imkoniyatlardan samarali foydalanish, faoliyatni kengaytirish, yangi ish o‘rinlari yaratish hamda mavjud muammolarni qonuniy tartibda hal etish masalalariga alohida e’tibor qaratildi.
📌 O‘rganish yakunlari bo‘yicha aniqlangan muammolarni bartaraf etish hamda “Oilaviy tadbirkorlik to‘g‘risida”gi Qonun talablarining ijrosini ta’minlash yuzasidan tegishli choralar belgilandi.