Xalq deputatlari Termiz shahar Kengashining navbatdagi sessiyasiga tayyorgarlik ko‘rish doirasida Kengash doimiy komissiyalarining qo‘shma yig‘ilishi bo‘lib o‘tdi.

Yig‘ilishda Kengash raisi, doimiy komissiyalar raislari, ekspert guruhi a'zolari, deputatlar, Kengash kotibiyati mas’ullari hamda tegishli soha rahbarlari ishtirok etdilar.

Qo‘shma yig‘ilishda shahar mahalliy budjeti daromadlari ijrosi, qo‘shimcha daromad rezervlarini aniqlash, soliqlar va boshqa majburiy to‘lovlarning budjetga to‘liq hisoblanishi hamda undirilishi, shuningdek, soliq qarzdorligini qisqartirish holati yuzasidan joriy yilning II choragi yakunlari bo‘yicha Termiz shahar Soliq inspeksiyasi boshlig‘i A.Karimovning hisoboti tinglandi.
Soha rahbari o‘z axborotida II chorak davomida amalga oshirilgan ishlar bo‘yicha quyidagi ko‘rsatkichlarga to‘xtalib o‘tdi:

• 💰 Mahalliy budjet daromadlari ijrosi: Belgilangan prognoz ko‘rsatkichlarining bajarilishi va budjetga tushumlarning ta’minlanish holati;

• 📈 Qo‘shimcha rezervlarni aniqlash: Yangi soliq solish obyektlarini qamrab olish, norasmiy faoliyat yuritayotgan tadbirkorlik subyektlarini qonuniy maydonga olib chiqish borasidagi chora-tadbirlar;

• 📉 Soliq qarzdorligini qisqartirish: Yirik va surunkali soliq qarzdorliklarini undirish, ortiqcha to‘lovlar va qarzdorliklar dinamikasi;

• 💻 Soliq ma’murchiligida raqamlashtirish: Elektron hisobvaraq-fakturalar, onlayn-NKMlar hamda soliq to‘lovchilarga ko‘rsatilayotgan elektron xizmatlar sifati.

Komissiya a’zolari hisobotni chuqur tahlil qilar ekan, budjet daromadlarini oshirish shahar infratuzilmasi, yo‘llar ta’miri, ijtimoiy obyektlar va mahalla farovonligini ta’minlashning bosh manbai ekanligini alohida ta’kidladilar.

Muhokamalar davomida deputatlar tomonidan ayrim tarmoqlarda soliq bazasini kengaytirish, boqimonda qarzdorliklarni undirish mexanizmlarini kuchaytirish hamda tadbirkorlik faoliyatiga sun’iy to‘siq bo‘lmagan holda tushumlarni ta’minlash bo‘yicha Soliq inspeksiyasi rahbariga qat’iy savollar va takliflar bildirildi.

Doimiy komissiyalarning qo‘shma yig‘ilishi yakunida bildirilgan mulohaza va tavsiyalar inobatga olinib, mazkur hisobot hamda tegishli qaror loyihasi Xalq deputatlari Termiz shahar Kengashining navbatdagi sessiyasi kun tartibiga kiritilishi belgilab olindi