#Deputatlik_nazorati #19_1_Modda_ijrosi #24_ta_tavsiyaviy_savol #Kotibiyat_hududlarda #ekspert_guruhlari #haftalik_ish_reja_ijrosi

AJRATILGAN MABLAG‘LARDAN MAQSADLI VA SAMARALI FOYDALANISH — DEPUTAT NAZORATIDA

💹 Xalq deputatlari Uchtepa tumani Kengashining mahalliy byudjet, tadbirkorlikni rivojlantirish va iqtisodiy islohotlarni amalga oshirish masalalari bo‘yicha doimiy komissiyasi raisi o'rinbosari Xalmatov Bobur Baxodirovich tomonidan Paxtakor mahallasi Ko‘k Yung‘ichka ko‘chasi orqali Kichik halqa yo‘ligacha yer ostidan o‘tkazilgan elektr tarmoqlarini asfalt qoplamasi bilan yopish bo‘yicha amalga oshirilayotgan ishlar joyiga chiqib o‘rganildi.

📁 Mazkur ishlar Xalq deputatlari Uchtepa tumani Kengashining 2026-yil 14-avgustdagi III-32-71-14-202-K/26-sonli qarori asosida ajratilgan mablag‘lar hisobidan amalga oshirilmoqda. Ushbu o‘rganish mahalliy Kengash deputati faoliyatining eng muhim 24 ta tavsiyaviy yo‘nalishi doirasida, Kengashning haftalik ish rejasi ijrosi hamda 19-1-modda talablari asosida amalga oshirildi.

⚠️ Joyiga chiqib o‘rganish jarayonida asfalt qoplamasi belgilangan talab darajasida yotqizilmagani, ayrim ishlar amaldagi me’yorlarga to‘liq muvofiq bajarilmagani hamda ajratilgan asfalt materiallarining belgilangan hudud va hajmda ishlatilishi yuzasidan kamchiliklar mavjudligi aniqlandi.

🕯 Mazkur holat deputat tomonidan tanqidiy muhokama qilinib, mas’ullardan aniqlangan kamchiliklarni zudlik bilan bartaraf etish, ajratilgan mablag‘lardan faqat belgilangan maqsadlarda foydalanish hamda bajarilayotgan ishlar sifatini qat’iy nazoratga olish talab etildi.

📈 Shuningdek, tuman hokimining mas’ul o‘rinbosariga aniqlangan kamchiliklar yuzasidan tegishli choralar ko‘rish va ularni bartaraf etish bo‘yicha ogohlantirish berildi. Ajratilgan mablag‘ — bu avvalo xalq mablag‘i. Uning maqsadsiz yoki sifatsiz ishlatilishiga yo‘l qo‘yilmasligi deputatlik nazoratining muhim vazifalaridan biridir.

💼 Mazkur doimiy komissiya yig'ilishida xalq deputatlari Uchtepa tumani Kengashi huzuridagi ekspert guruhi a’zolari, tuman Kengashi kotibiyati ishtirok etdilar.