Deputat o‘rganish jarayonida muassasaning moddiy-texnik bazasi, o‘quv xonalarining mavjud holati, isitish tizimi va o‘quvchi-yoshlarga yaratilgan sharoitlar bilan yaqindan tanishdi. Shuningdek, musiqa va san’at yo‘nalishlari bo‘yicha mashg‘ulotlar jarayoni, cholg‘u asboblari va zarur o‘quv qurollari bilan ta’minlanganlik darajasi ko‘zdan kechirildi.

Uchrashuv davomida pedagogik jamoa va o‘quvchilar bilan samimiy muloqot o‘tkazilib, ularning takliflari, sohadagi mavjud muammolar hamda yoshlarning iqtidorini har tomonlama rivojlantirish masalalari muhokama qilindi. O‘rganishlar davomida aniqlangan ayrim kamchiliklarni bartaraf etish yuzasidan deputatning muammolarni qayd qilish jurnaliga kiritildi hamda mas’ullarga tegishli tavsiyalar berildi va ijrosi deputatlik nazoratiga olindi.
"O‘sib kelayotgan yosh avlodni ma’naviy-axloqiy va estetik ruhda tarbiyalashda musiqa hamda san’at maktablarining o‘rni beqiyosdir. Biz ushbu muassasalarda farzandlarimiz uchun barcha zarur sharoitlarni yaratish va ta’lim sifatini oshirishni doimiy e’tiborda tutamiz," — deb ta’kidladi Muhiddin Abdullayev.

Deputat nazorati tadbirlari shahrimizdagi barcha ta’lim va madaniyat maskanlarida izchil davom ettiriladi.