Xalq deputatlari Shayxontohur tumani Kengashi deputati D.Asadullayev tomonidan "Bog'ko'cha" mahalla fuqarolar yig'ini hududida faoliyat yuritayotgan Boshqaruv servis kompaniyasi (BSK) ishi bilan yaqindan tanishildi.
O'rganishning jarayonida O'zbekiston Respublikasi Prezidentining 2026-yil 5-fevraldagi "Ko'p qavatli uylarni boshqarish tizimini yanada takomillashtirish bo'yicha qo'shimcha chora-tadbirlar to'g'risida"gi PQ-48-sonli qarorining ijrosi va ko'p qavatli uylarni boshqarish tizimida BSK tomonidan aholiga ko'rsatilayotgan xizmatlar sifatini, shuningdek fuqarolar murojaatlarining belgilangan muddatlarda ijro etilishi holatiga alohida e'tibor qaratildi.
Bundan tashqati. o'rganishda BSK tomonidan ko'p qavatli uylarga texnik xizmat ko'rsatish sifati, aholidan yig'ilgan mablag'larning maqsadli va shaffof sarflanishi, umumiy mulkning holati va ta'mirlash ishlari ham muhokama qilindi.
Deputat mahalla aholisi bilan bevosita muloqotda bo'lib, ularning BSK faoliyatiga oid taklif, shikoyat va murojaatlarini tingladi hamda aniqlangan kamchiliklarni bartaraf etish borasida BSKga aniq muddatlar belgilanib, ijro jarayoni deputat tomonidan nazoratga olindi.
Yakunda deputat bunday o'rganishlarni doimiy asosda davom ettirish, aholi manfaatlarini ko'zlagan holda BSKlar faoliyatini shaffoflashtirishga xizmat qiladigan chora-tadbirlarni ishlab chiqishni ta'kidladi.