🏥 Tibbiy xizmat sifati — deputat e’tiborida

Mahalliy Kengash deputati faoliyatining eng muhim 24 ta ustuvor yo‘nalishi doirasida, xususan, aholiga o‘z vaqtida va sifatli tibbiy yordam ko‘rsatilishi holatini o‘rganish maqsadida joyiga chiqqan holda o‘rganish ishlari olib borildi.

Xalq deputatlari Sherobod tumani Kengashiga 22-“Bo‘ston” saylov okrugidan saylangan deputat A. To‘xtoshevning saylov okrugiga qarashli “Oqtepa” mahallasidagi holatlar o‘rganildi.

O‘rganish jarayonida dastlab “Oqtepa” mahallasi raisi B. Murodov bilan suhbatlashilib, mahallada aholiga ko‘rsatilayotgan xizmatlar, jumladan, tibbiy xizmatlar bilan bog‘liq masalalar muhokama qilindi.

Shundan so‘ng 86-son oilaviy poliklinikaga qarashli “Oqtepa” tibbiyot punktiga borilib, aholiga tibbiy xizmat ko‘rsatish holati, mavjud sharoitlar va xizmat ko‘rsatish sifati o‘rganildi.
O‘rganishda Xalq deputatlari Sherobod tumani Kengashi kotibiyati bosh mutaxassisi S. Safarov hamda “Oqtepa” MFY raisi B. Murodov ishtirok etdi.

📌 O‘rganish davomida aniqlangan masalalarni bartaraf etish va aholiga sifatli tibbiy xizmat ko‘rsatishni yanada yaxshilash bo‘yicha tegishli takliflar ishlab chiqilishi belgilandi.

Xalq deputatlari Sherobod tumani Kengashi kotibiyati matbuot xizmati.