Xalq deputatlari Qo‘qon shahar Kengashiga 30-"G‘ishtko‘prik" saylov okrugidan saylangan deputat J.Xusanov tomonidan tasdiqlangan reja-jadval asosida 2026-yil 3-avgust kuni saylovchilar bilan navbatdagi ochiq uchrashuv o‘tkazilib, deputatlik faoliyati yuzasidan hisobot taqdim etildi.

Uchrashuv davomida deputat tomonidan 2026-yilning o‘tgan davri mobaynida amalga oshirilgan ishlar, fuqarolar murojaatlari bilan ishlash, hududdagi mavjud muammolarni joyiga chiqib o‘rganish, deputatlik so‘rovlari yuborish, aholi manfaatlarini himoya qilish hamda hudud infratuzilmasini rivojlantirish yo‘nalishida olib borilgan faoliyat yuzasidan batafsil axborot berildi.

Hisobotda erishilgan ijobiy natijalar, amalga oshirilgan tashabbuslar hamda saylov okrugida yechimini kutayotgan dolzarb masalalar alohida qayd etildi. Shuningdek, kelgusida amalga oshirilishi rejalashtirilgan ustuvor vazifalar, fuqarolar farovonligini oshirish, hududdagi infratuzilmani yaxshilash va aholi murojaatlariga yanada tezkor munosabat bildirish masalalari yuzasidan saylovchilar bilan fikr almashildi.

Uchrashuv davomida fuqarolar tomonidan hududni obodonlashtirish, kommunal xizmatlar sifatini oshirish, ijtimoiy soha, bandlik hamda boshqa dolzarb masalalar yuzasidan taklif va mulohazalar bildirildi. Har bir murojaat va taklif deputat tomonidan atroflicha tinglanib, ularni amaliy hal etish bo‘yicha tegishli chora-tadbirlarni ko‘rish yuzasidan kelishib olindi.

Yakunda saylovchilar tomonidan bildirilgan barcha fikr-mulohazalar va takliflar deputat nazoratiga olinib, ularning ijrosini ta’minlash maqsadida mutasaddi tashkilotlar bilan hamkorlikda tizimli ishlarni davom ettirish belgilandi.

Xalq deputatlari Qo‘qon shahar Kengashi