Xalq deputatlari Qo‘qon shahar Kengashi deputati J.Xusanov tomonidan o‘z saylov okrugi hududiga qarashli "G‘ishtko‘prik" mahalla fuqarolar yig‘inida navbatdagi saylovchilar bilan uchrashuv hamda hududdagi mavjud holatni o‘rganish ishlari olib borildi.

Uchrashuv va o‘rganish jarayonida Xalq deputatlari Qo‘qon shahar Kengashi kotibiyati mudiri A.Nosirov hamda Kengash kotibiyatining bosh mutaxassisi X.Abdullayev ishtirok etib, tadbirni tashkil etish va o‘tkazishda ko‘maklashdi.

O‘rganish davomida mahalla fuqarolar yig‘ini raisining faoliyati, aholi murojaatlari bilan ishlash tizimi, fuqarolarni qiynayotgan ijtimoiy muammolarni bartaraf etish, hududda olib borilayotgan obodonlashtirish ishlari hamda mahallaning ijtimoiy-iqtisodiy rivojlanishi yo‘nalishida amalga oshirilayotgan chora-tadbirlar atroflicha ko‘rib chiqildi.

Shuningdek, mahallada "mahalla yettiligi" hamkorligida olib borilayotgan ishlar, ehtiyojmand oilalarni qo‘llab-quvvatlash, aholi bandligini ta’minlash, yoshlar va xotin-qizlar bilan ishlash, hudud infratuzilmasini yanada yaxshilash masalalari yuzasidan mas’ullar bilan fikr almashildi.

Saylovchilar tomonidan bildirilgan taklif va murojaatlar tinglanib, ularni amaliy hal etish bo‘yicha tegishli chora-tadbirlarni ko‘rish, mutasaddi tashkilotlar bilan hamkorlikni kuchaytirish yuzasidan kelishuvlarga erishildi.

Xalq deputatlari Qo‘qon shahar Kengashi