Xalq deputatlari Marg‘ilon shahar Kengashi deputati X.Abdurahmonov tomonidan 13-Yoyilma saylov okrugidagi Yoyilma mahalla fuqarolar yig‘inining Asilobod ko‘chasida istiqomat qiluvchi fuqarolar tomonidan ichimlik suvi ta’minoti bilan bog‘liq bildirilgan murojaat joyiga chiqqan holda o‘rganildi.

O‘rganish jarayonida hududdagi ichimlik suvi ta’minotining amaldagi holati ko‘zdan kechirilib, murojaat sabab va omillari tahlil qilindi. Shuningdek, mavjud muammoni bartaraf etish yuzasidan tegishli mutasaddilar bilan fikr almashilib, amaliy choralar ko‘rish masalalari muhokama etildi.

Deputat tomonidan fuqarolar bilan ochiq muloqot o‘tkazilib, ularning taklif va mulohazalari tinglandi. Bildirilgan murojaat deputat nazoratiga olinib, masalani qonunchilikda belgilangan tartibda hal etish yuzasidan tegishli tashkilotlar bilan hamkorlikda zarur ishlarni amalga oshirish belgilandi.

Xalq deputatlari Marg‘ilon shahar Kengashi deputatlari tomonidan saylov okruglarida fuqarolar murojaatlarini joyida o‘rganish, mavjud muammolarni tezkor bartaraf etish hamda aholi manfaatlarini ta’minlashga qaratilgan amaliy ishlar davom ettirilmoqda.