Xalq deputatlari Bag‘dod tumani Kengashining 4-Matqulobod saylov okrugi deputati G.Usmonova, Kengash kotibiyati mudiri G‘.Abdullayev hamda kotibiyat bosh mutaxassisi A.Ismoilovlar tomonidan Matqulobod mahalla fuqarolar yig‘inining Yuksak ko‘chasida joyiga chiqib o‘rganish ishlari olib borildi.

🔍 O‘rganish davomida Yuksak ko‘chasi orqali oqib o‘tuvchi zovur bir necha yillardan buyon tozalanmaganligi aniqlandi. Natijada zovurda suvning erkin oqimi cheklanib, suv to‘planishi kuzatilayotgani hamda yondosh xonadonlar tomorqalarida zax hosil bo‘layotgani ma’lum bo‘ldi. Ushbu holat dehqonchilik ishlariga salbiy ta’sir ko‘rsatib, ekinlar hosildorligi va yer unumdorligining pasayishiga sabab bo‘layotgani qayd etildi.

O‘rganish yakunida aniqlangan muammo deputatning “Ko‘chama-ko‘cha yurish” daftariga belgilangan tartibda qayd etildi.

Mazkur muammoni bartaraf etish maqsadida mas’ul tashkilotlarga deputat so‘rovi yuborilishi hamda masalaning ijrosi deputat nazoratiga olinishi belgilandi.